前陣子我地過海去左科學館玩，難得婆婆放假可以一齊去，我就睇下附近有咩好餐廳，因為婆婆好鍾意去酒店食自助餐，所以我就選左呢間一齊食下午茶Buffet🥰
上網睇資料原來酒店做緊「花語‧心願」主題，好多食材都用左花卉入饌，見到張海報甜品好吸引！結果冇令我失望！👍🏼
估唔到下午茶自助餐都有唔少野食！
⭐️ 海鮮冷盤：
主要有凍蝦、蜆、青口，蝦夠新鮮爽口，蜆冇沙，青口都好食！另外有刺身魚生，有三文魚、鯛魚、希靈魚，全部都很新鮮，我食左幾轉呢😆
⭐️ 熱盤：
湯：有兩款湯，一中一西，中湯是紅蘿蔔豬骨湯，西湯是野菌忌廉湯，兩款都很不錯，西湯更可配上餐包食😋
另外主食有蝦肉燒賣、叉燒包、鮑魚雞粥、星洲蘿蔔糕、泰式豬頸肉、炸蝦餅、滷水雞、咖喱角、薄餅、即煮粉麵等，每樣食少少都已經好飽！
另外每位客人都會送一客焗釀蟹蓋伴玫瑰芝士汁，粉紅色的釀蟹蓋好襯主題，好特別❤️
⭐️甜品：
對我來說，下午茶當然甜品先係主角！甜品真係有好多款式，好多甜品都加入花做食材，賣相非常吸引，用黎打咭一流！另外Timtam仔就最鍾意個朱古力噴泉，有得玩又有得食😆
我反而很欣賞有即製的流心朱古力蛋糕，pancake及窩夫，全部都係我的至愛，食完真係大滿足！
最後，呢度的咖啡、檸檬茶、橙汁都係任飲！即磨咖啡很不錯呢！
上網睇比我搵到有75折的優惠卷，5歲以下小童更加是免費😍 即係大約每人二百蚊咋！
下午茶自助餐只在星期六日提供，3pm-5pm任食兩小時，以呢個價錢有咁多野食，一家人坐得舒服食得開心，真係性價比很高👍🏼
🔸🔹🔸🔹🔸🔹🔸🔹🔸🔹🔸🔹🔸🔹
百樂酒店下午茶自助餐
75折優惠詳情：https://bit.ly/3kw4qvI
#酒店自助餐 Park Hotel Hong Kong
#尖沙咀 #地鐵站一出直行就到 #75折優惠
#下午茶自助餐 #TeaBuffet #小童5歳以下免費
Search